Для кіроўцаў з’явіліся новаўвядзенні. Так, з 21 жніўня на Адзіным партале электронных паслуг «Е-Паслуга» сталі даступныя для анлайн-замовы новыя звесткі. Пра гэта паведамляецца на сайце Нацыянальнага цэнтра электронных паслуг. Нагадаем, яшчэ адно змяненне часовае, яно датычыць патрабавання ездзіць днём з уключанымі фарамі.
Новаўвядзенне па электронных паслугах
З 21 жніўня на Адзіным партале электронных паслуг можна замовіць звесткі пра транспартны сродак па серыі і нумары пасведчання яго рэгістрацыі. Таксама цяпер могжна атрымаць праз «Е-Паслугу» фотавыявы фізасобы з пасведчання кіроўцы.
Нерэзідэнты Беларусі з 21 жніўня могуць анлайн атрымліваць звесткі пра дапушчаныя парушэнні ПДР на транспартным сродку.
Таксама з гэтай даты сталі даступныя і некаторыя іншыя электронныя паслугі:
- атрыманне юрыдычнымі асобамі інфармацыі пра дапушчаныя парушэнні ПДР;
- пацверджанне юрыдычнымі асобамі рэгістрацыі транспарту па яго VIN;
- пацверджанне рэгістрацыі транспарту для адміністрацыйных працэдур, а таксама іншых выпадкаў, прадугледжаных заканадаўствам.
«Электронныя паслугі аказваюцца ў аўтаматычным рэжыме на падставе інфармацыі аўтаматызаванай інфармацыйнай сістэмы ДАІ МУС Беларусі», — удакладняецца на сайце Нацыянальнага цэнтра электронных паслуг.
Кароткачасовае новаўвядзенне што да ўключаных днём фар
З 25 жніўня да 5 верасня ў Беларусі пройдзе прафілактычная акцыя «Увага — дзеці», паведамілі раней у ДАІ. Прычына — пачатак навучальнага года.
Згодна з п. 166.9 ПДР, у гэтыя дні кіроўцы абавязаныя перасоўвацца ў светлы час сутак з уключаным на транспартным сродку блізкім святлом фар або дзённымі хадавымі агнямі.
За невыкананне гэтага патрабавання ПДР прадугледжаная адміністрацыйная адказнасць у выглядзе штрафу да трох базавых велічынь — 120 рублёў (ч. 3 арт. 18.13 КаАП Беларусі).
Чытайце таксама
